هيرو على كرسي الاعتراف

اولا باقة الورد اهديها لامي العزيزه
شخص لا ارفض له طالبا في وجدين لاارفظ لهم طلبا في اصحابي وعائلتي
توأم روحي لايوجد
اتمني ان تكون الرساله من شخص له اهميه بالغه عندي بس مانقدرناقول من
العضو المحبوب بصراحه بصراحه الكل في غاية الروعه ممكن ويدا شوي لاني ديما في صراع معاها
الذي يعمل بجد في المنتدي عندك الاجنبي ويدا كل مي والمديره ومرات الزعيم
مستحيل انساك انقولها للشخص الذي دز لي رساله مع الحمامه
الاقتراح الذي اتمناه للمنتدي .......بصراحه ماعندي لانه منتدي رائع
الحكمه هي ...وين ماتحط روحك تلقاها
الاعتذار ...الي كل من اسئت اليه
تحياتي

نبي نسالك سوال لو قاللولك اختار مابين العلم والسلطة والمال شن حتختار

انجاوب بصراحه انا السلطه هذه مانقبلها
لكن نبي العلم ولا باس ببعض المال لكن الاهميه للعلم
اصلا بالعلم يجي المال

كان قاللولك بكرة نهاية الدنيا وطبعا من المستحيل حد يعرف لانه في علم الله شن حيكون ردة فعلك وش حتفكر دير في اليوم يلي باقيلك

والله نستغفر ربي من ذنوبي طلهن ونسأله الجنه
اي واحد هايدير هكي

راجع بالأسئله
نورت الكرسي

شنن الاسم المفضل عندك شن الاكلة المفضلة شن الون المفضل والمغني المفضل والشاعر المفضل وشخصية تاريخية وين وشن امنيتك يلي لازلت ما حققتها

الاسم المفضل عندي ريم بدون مجاملات
اللون المفضل هو الاصفر
المغني laura pausini ---jesse mccartney--vanessa hugens---فضل شاكر
الشاعر المفضل عندي امراء القيس وحسان بن ثابت
الامنيه هي انت نحكي انجليزي ميه في الميه

العضو اللي نبي نشوفه هو المديره

والله كلهم نبي نشوفهم جمبع الاعضاء

شن بنظرك الياس والفشل

اليأس والفشل انا رايي انهم يدمرن الواحد ومعش يقعد عنده هدف في حياته ويصبح انسان مشتت التفكير
الله يفكنا منهن

إن شاء الله ربي يفكنا منهن ..
س1 - لو تتمنى حد يرجع لي هالدنيا منو يكون ..؟؟
س2- هل يوجد شخص يستحق انك اضحي لأجله ..؟؟
س3 - لو إكتشفت أن أقرب الناس ليك .. خدلك ..مادا تفعل ..؟؟

ان شاء الله منكونش تقلت عليك

اللي اتمناه يرجع للحياه بصراحه مش عارف لاني بصراحه وجدين اللي انتمناهم يردوا
شخص يستحق التضحيه----بصراحه فيه شخص افديه بروحي
لواكتشف ان اقرب الاشخاص لي خذلني بصراحه سؤال صعب مانقدر انقول اجابه معينه

من اكر واحد مزعملك كبدك

هيرررررررو
ازيييك يا مااااان ,,,

عندي سؤال بس بايخ ,,,,, عادي مشيها ’’’

هل مررت بقصة حب \ ؟؟؟

نعم مررت بقصة حب في الثانوي وعدت

عندي اسئله ممكن اتكون حاسسه شوي بس ريت اتجاوبني عليها
شن رايك في اللي يقعدوا حافظين القران لكن للاسف اللي مش حافظينه احسن منهم خلقا وتعاملا ؟؟؟؟؟؟وشن السبب برايك؟؟
شن اهم شي درته في حياتك؟؟؟؟؟
وشن الشي اللي تسعي لي تحقيقه

اللي حافظ القران ومش عامل بما فيه عسي الله ان يهديه
اهم حاجه درتها في حياتي حفظ القران
الشي اللذي اسعي لتحقيقه اني انكون صيدلي ناجح

شن احسن هدية تحصلت عليها في العيد؟؟؟؟؟؟؟؟

احلي هديه في العيد هي اكيد الحلوه هههههههههههه
الموقف اللي اخشي ان امر بيه هو الرسوب لاقدر الله