السلام عليكم ورحمة الله
القيت ها الكلمات للشاعر الخليجي فيصل اليامي
وبصراحه عجبني وان شاءالله تنال اعجابكم
ياليت ان الزمان يرجع ورا والا الليالي تدور ،،،ويرجع وقتنا الاول وننعم في بساطتنا
زمان اول احسن انه زمان فيه صدق شعور ،،،نحب ونخلص النيه وتجمعنا محبتنا
زمن قلوبنا بيضاء نعيش بعالم محصور ،،، ولانعرف ابد أغراب مغير عيال حارتنا
صحيح صغار في التفكير ولكن ماعلينا قصور ،،،نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور ،،،نحاول نزعج العالم في روحتنا وجيتنا
وعشان ناخر الحصة نخبي علبة الطبشور ،،،نشاغب بس في الآخر تميزنا براءتنا
نحب الضحك والهيصه نحب ننط فوق السور ،،، نفرفش ليه مانفرفش مادام الضحكه عادتنا
ولاكن دارت الايام وبان الخافي المستور ،،، وصار الهم متعلي على قمة سعادتنا
كبرنا وصارت الدنيا تصف احزاننا بالدور ،،،وتهدينا الآلم والهم غصب عن عين رغبتنا
تعبنا من بــلاويها أحد غارق وأحد مقهور ،،، وكلن غارق بهمه وفي الآخر تشتتنا
وانا ماقول غير الا ياليت ان الزمان يدور ،،،ونرجع للورا فتره و نعدل وضع عيشتنا
فيصل اليامي
