انت لست مسجلا معنا الرجاء قم بالتسجيل معنا لتلقى الافاده والاستفاده معنا



 
البوابةالرئيسيةالأعضاءالمجموعاتالتسجيلدخول

شاطر | 
 

 علي بوك خشه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الواعر
مشــــــــــــــــــــرف
مشــــــــــــــــــــرف
avatar

عدد المساهمات : 250
تاريخ التسجيل : 21/06/2010
العمر : 30

مُساهمةموضوع: علي بوك خشه   الأربعاء يونيو 23, 2010 11:50 am

خشيت للدكان علي بوك خشه..ريته ايتمشى..ريم اريلي مالجوف روحي نتشا
خشيت للدكان نبي اسبيزه
امعاها اخبيزه
قابل خفيف الدم سمح الطريزه
دوبه ايتخطى مشيتا اتطربيزه
نوّض شلشا
العين خنست شيطانها وشوشا

خشيت للدكان والفكر صافي
جا في اصدافي
ذهب شيرتي ماعد حكمت اطرافي
بوعين تربي نارها شفشافي
فينا رمشا
لهيب نار في صايف سحب في قشه

خشيت للدكان فالعقل شي
بانو علي
تبدل اللي فالعقل شي بشي
انسيت لولي وفيسع علي اغلي
ماهان طشه
كنس كل مافي خاطري امحوّشا

خشيت للدكان رماني ابعينه
وبارق جبينه
حطيت له قلبي على الفترينه
بيعة وكس فالسوم ماغلينا
مانريد غشه
انريد بالغلا عيني ايحيد عطشا

خشيت للدكان ريت اريليه
سبحان من خلقها شوفة الحوريه
رقة غزال وخزرة ابحاريه
شلوق اتمشى
مابين قرّح قيدها غششّا

خشيت للدكان نا والرفاقه
خذتنا ابواقه
منها شعاتير طحنا شراقه
وعدت بخطوتا اللي طقطاقه
ابضيقة دبشا
ترتج كل تايب وحاج اتطشه

وعديت مالدكان ونا جاي ليش؟
نا جاي ليش؟
نشدت الرفاقه لقيتهم مافيش
مساطيل تحلف شاربين حشيش
علي بوك خشه
خبرهاافكاراعقولنا شوشا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
علي بوك خشه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الكتابية :: الشعر الشعبي-
انتقل الى: